Dövlət Gömrük Komitəsinin (DGK) sədri Şahin Bağırovun oktyabrın 18-nə nəzərdə tutulmuş vətəndaş görüşü oktyabrın 22-nə keçirilib.
DGK-dən bildirilib ki, komitə sədri Şahin Bağırov oktyabrın 22-də saat 10:00-da Yeni Azərbaycan Partiyasının Daşkəsən rayon təşkilatının inzibati binasında Daşkəsən, Göygöl, Samux, Kəlbəcər rayonlarından və Gəncə şəhərindən olan vətəndaşların müraciətlərini dinləyəcək.
Görüşdə Daşkəsən, Göygöl, Samux, Kəlbəcər rayonlarının və Gəncə şəhərinin sakinlərinin gömrük məsələləri ilə bağlı müraciətləri dinləniləcək.
Görüşdə iştirak etmək istəyən vətəndaşlar bu link vasitəsilə (https://c2b.customs.gov.az/vsq_muraciet.aspx) qeydiyyatdan keçə bilərlər.
Əlavə məlumat almaq üçün 195 Çağrı mərkəzi ilə əlaqə saxlamaq tövsiyə olunur.
