Qırğızıstanın xarici işlər nazirinin müavini Aibek Moldoqaziyev türkiyəli həmkarı Nuh Yılmaz ilə görüşüb.
Croosmedia.az Qırğızıstanın AKİpress agentliyinə istinadən xəbər verir ki, tərəflər ölkələr arasında siyasi, ticarət, iqtisadi, hərbi, texniki və humanitar sahələrdəki əməkdaşlığı müzakirə ediblər.
Eyni zamanda, beynəlxalq və regional təşkilatlar çərçivəsində əməkdaşlıq, beynəlxalq platformalarda koordinasiya məsələləri müzakirə olunub. Tərəflər yaxın zamanda keçiriləcək yüksək səviyyəli tədbirlərin və səfərlərin siyahısını nəzərdən keçiriblər.
Türkiyəli həmkarını Qırğızıstana dəvət edən Moldoqaziyev ölkələr arasında xarici işlər nazirliklərinin müavinləri səviyyəsində növbəti Qırğız-Türk siyasi məsləhətləşmələrinin keçirilməsini təklif edib.
Nəzrin Salmanova
