Mərkəzi Asiyada ilk plazma mərkəzi Daşkənd şəhərində açılıb. Mərkəz plazmanın dərman kimi tədarükü və müvafiq məhsulların istehsalı məqsədilə Avropa İttifaqı standartlarına uyğun olaraq qurulub, Özbəkistanın donor plazması ehtiyaclarını qarşılamağı hədəfləyir.
Crossmedia.az Özbəkistanın UzA agentliyinə istinadən xəbər verir ki, Feruza Plazma Mərkəzində yüksək istehsalat təcrübəsi tətbiq edilib, Böyük Britaniya və İtaliyadan yüksək texnologiyalı avadanlıq və istehlak materialları alınıb. Rəhbər işçilər Çex Respublikasında təhsil alıb və yüksək istehsalat təcrübəsi standartları üzrə mütəxəssislər isə Macarıstandan dəvət edilib.
Mərkəz tibbi fəaliyyət üçün lisenziya, yüksək istehsalat təcrübəsi sertifikatı və albumin, immunoglobulinlər kimi qan komponentlərinin donorluğu üçün müvafiq icazələri əldə edib.
Bu ilin sonuna qədər Daşkənddə 3 əlavə plazma toplama mərkəzinin və Özbəkistanda bütün region üzrə 20-dən çox mərkəzin açılması planlaşdırılır.
Nəzrin Salmanova
Select your language
Select your language
