Türkmənistan prezidenti Serdar Berdiməhəmmədov rusiyalı həmkarı Vladimir Putini türkmən şairi və klassiki Məhtimqulu Fəraqinin 300 illik yubileyi şərəfinə medalla təltif edib.
Təltifetmə Türkmənistan paytaxtı Aşqabadda baş tutub.
Berdiməhəmmədov şairin 300 illik yubileyinin Rusiyada geniş şəkildə qeyd olunduğunu xatırladıb.
“Fürsətdən istifadə edərək, bu işdə göstərdiyiniz dəstəyə görə sizə təşəkkürümü bildirmək istəyirəm. Hörmətli Vladimir Vladimiroviç, mən sizi “Məhtimqulu Fəraqi” yubiley medalı ilə təltif etmək qərarına gəldim, bu, xalqlarımız və ölkələrimiz arasında daha bir parlaq simvol olacaq. Təbrik edirəm”, - Berdiməhəmmədov deyib
