11 oktyabr 2024-cü il tarixində Azərbaycan Beynəlxalq Maarif Məktəbində böyük Azərbaycan şairi Məhəmməd Füzulinin 530 illiyinə həsr olunmuş "İrfan Anlayışı" adlı tədbir baş tutub. Tədbirin təşkilatçıları Dünya Gənc Türk Yazarlar Birliyi, Azərbaycan Beynəlxalq Maarif Məktəbi və Gəncliyə Yardım Fondudur. Mərasimə Türk Cümhuriyyətindən İbn Haldun Universitetinin Himayəçilər Şurasının sədri Prof. Dr. İrfan Gündüz, klassik türk musiqiçisi Ender Doğan və məşhur futbolçu Mesut Özil qonaq qismində qatılıblar.
Tədbirdə çıxış edən Azərbaycan Milli Məclisinin deputatı Fazil Mustafa: “Bu cür tədbirlər Azərbaycan və Türkiyə qardaşlığını vurğulayan bir nümunədir. Məhəmməd Füzuli yalnız Azərbaycana deyil, bütün türk dünyasına aiddir və türk dilinin inkişafında böyük rol oynayır.
Fazil Mustafa həmçinin Prezidentin Füzulinin 530 illiyinə dair sərəncamını xatırladaraq, bu cür tədbirlərin türk irsinin təbliği və qorunmasında vacibliyini vurğulayıb.
Tədbirin Azərbaycan-Türkiyə qardaşlığının gücləndirilməsi üçün əhəmiyyətli olduğu, həmçinin Füzuli irsinin bu iki xalqı birləşdirən bir dəyər olduğu qeyd olunub.
DGTYB-nin sədri İntiqam Yaşar Crossmedia.az – a bildirib ki: “ Ölkəmizdə görkəmli Azərbaycan şairi Məhəmməd Füzulinin 530 illiyi ilə bağlı silsilə tədbirlər davam edir. Füzuli türk dünyasının, ümumiyyətlə islam dünyasının ən böyük şair mütəfəkkirlərindəndir.Füzulinin anadan olmasının 530 illiyi tək Azərbaycanda yox , türk dünyasının müxtəlif nöqtələrində böyük təntənə ilə qeyd olunur.Bu tədbirlər çərçivəsində GYF və DGTYB təşkilatçılığı ilə belə bir gözəl gecə təşkil olunub.Tədbirdə Füzulinin yaradıcılığı, Füzulinin insan psixologiyasına, insan yaşamına aid əsərləri izləyicilərin diqqətinə çatdırılıb .Düşünürəm ki, Füzuli elə böyük sənətkardır ki, tək onu Azərbaycanda yox , türk dünyasının müxtəlif nöqtələrində hər il danışmaq olar.Füzuli kimi yenidən öyrənmək , hər il Füzuliyə yenidən qayıtmaq olar”.
Tədbir təşkilatçıları tərəfindən hazırlanmış hədiyyələr gələn qonaqlara təqdim edilib və Məhəmməd Füzulinin yaradıcılığına, onun irfani dünyasına olan böyük hörmətin bir simvolu kimi dəyərləndirildi və mərasim sona çatıb.
Nihat Tahirov
