Məşhur britaniyalı aktyor İdris Elba Afrikaya köçməyi planlaşdırır.
Azərtac xəbər verir ki, o, BBC-yə müsahibəsində yaxın on il ərzində Afrika qitəsinə köçəcəyini açıqlayıb. Elba, Qananın paytaxtı Akkrada və Zanzibarda film studiyaları qurmağı qarşısına məqsəd qoyduğunu bildirib.
Londonda doğulmuş 52 yaşlı aktyorun anası Qanadan, atası isə Syerra-Leonedəndir. Afrikaya dərin bağlılığı olduğunu vurğulayan Elba qitənin kino sənayesinin inkişafına dəstək olmaq üçün nüfuzundan istifadə etməyi və afrikalıların öz hekayələrini dünya səhnəsində daha geniş şəkildə təqdim etmələrinin vacibliyini qeyd edib.
