Azərbaycan Respublikası Dövlət Neft Fondunun (ARDNF) 2024-cü il 1 oktyabr tarixinə dövlət büdcəsinə transfert etdiyi vəsaitin həcmi məlum olub.
Belə ki, ARDNF 2024-cü il 1 oktyabr tarixinə ümumi 152 736,7 mln. manat həcmində vəsaiti dövlət büdcəsinə transfert edib.
Qeyd edək ki, bu ilin yanvar-sentyabr aylarında ARDNF-nin 2024-cü il büdcəsinin icrası çərçivəsində 9 585,8 mln. manat vəsait dövlət büdcəsinə transfert edilib.
Xatırladaq ki, ARDNF 29 dekabr 1999-cu il tarixində tarixli təsis edilib. ARDNF-nin fəaliyyət istiqaməti ölkədə makroiqtisadi sabitliyin qorunması, maliyyə-vergi intizamının təmin edilməsi, neft gəlirlərindən asılılığın azaldılması və qeyri-neft sektorunun inkişafının təmin edilməsi; ölkənin sosial-iqtisadi tərəqqisi naminə mühüm ümummilli layihələrin maliyyələşdirilməsi; neft və qazın bərpa edilməyən təbii ehtiyat olduğunu nəzərə alaraq, onlardan əldə edilən gəlirin nəsillər arasında bərabər bölüşdürülməsi və gələcək nəsillər üçün ehtiyat vəsaitin toplanması kimi mühüm vəzifələrin həllinə yönəlib.
