Azərbaycanda ödənişli xidmətlərdən dövlət büdcəsinə daxilolmalar 28 % azalıb

Bu ilin yanvar-sentyabr aylarında Azərbaycanda dövlət büdcəsindən maliyyələşən idarə və təşkilatların gördükləri iş və göstərdikləri ödənişli xidmətlərindən 419,7 milyon manat vəsait daxil olub.

Maliyyə Nazirliyinin verdiyi məlumata görə, bu, ötən ilin eyni dövrü ilə müqayisədə 27,9 % azdır.

Hesabat dövründə büdcəyə sair daxilolmalar isə 491,6 milyon manat təşkil edib ki, bu da 1 il əvvələ nisbətən 22 % çoxdur.