BMT-yə üzv olan 104 ölkə və Afrika Birliyi qurumun Baş katibi Antonio Quterreşin “persona non-qrata” elan edilməsinə etiraz məktubu yayıb.
Məktubda İsrail xarici işlər naziri İsrail Katzın Quterreşi “persona non-qrata” elan etməsinin BMT-nin vəzifə öhdəliklərini yerinə yetirməsini baltaladığı bildirilib.
Məktubda gərginliyin artdığı dövrlərdə Baş katibin əhəmiyyətli rol oynadığına diqqət çəkilib.
“Baş katibə və onun işinə tam dəstəyimizi və etibarımızı bir daha bəyan etmək istərdik. BMT-nin rəhbərliyinə və missiyasına hörmət tələb edirik”, - məktubda qeyd edilib.
