Türkiyə Prezidenti Rəcəb Tayyib Ərdoğan BRICS-in 16-cı sammitində iştirak etmək üçün oktyabrın 23-də Kazana yola düşüb.
Azərtac xəbər verir ki, Prezident Rəcəb Tayyib Ərdoğan Rusiyaya ikigünlük səfəri çərçivəsində dövlət və hökumət başçıları, o cümlədən rusiyalı həmkarı Vladimir Putinlə bir sıra görüşlər keçirəcək.
Türkiyə liderinin görüşlərində Fələstin və Livan da daxil olmaqla Yaxın Şərqdəki vəziyyətə xüsusi diqqət yetiriləcək.
Bundan əvvəl mətbuatda Türkiyənin BRICS-ə üzv olmaq üçün müraciət etməsi ilə bağlı xəbərlər yayılmışdı.
Oktyabrın 22-dən 24-dək Tatarıstanda BRICS ölkələrinin dövlət başçılarının sammiti keçirilir.
