İstanbul polisi Türkiyədə qadağan edilmiş Kürdüstan Fəhlə Partiyasının (PKK) 35 tərəfdarını küçə etirazları hazırlamaqda, o cümlədən yandırıcı qarışıqlardan istifadə etməkdə şübhəli bilərək saxlayıb.
Bu barədə “TRT Haber” telekanalı məlumat yayıb.
Həbslər İstanbul prokurorluğunun 44 PKK tərəfdarı ilə bağlı apardığı istintaq çərçivəsində həyata keçirilib.
Oktyabrın 23-də Ankarada terrorçular Tusaş aerokosmik korporasiyasının müəssisələrindən birinə hücum ediblər. Nəticədə 5 nəfər ölüb, 22 nəfər yaralanıb. İki hücumçu öldürülüb. Təhlükəsizlik xidmətləri hücum edənlərin PKK yaraqlıları olduğunu müəyyən edib. Türkiyə prezidenti Rəcəb Tayyib Ərdoğan cümə axşamı İstanbulda təhlükəsizlik məsələləri ilə bağlı müşavirə keçirib, ondan sonra bildirilib ki, respublika hakimiyyəti ölkədə və xaricdə terrora qarşı qətiyyətlə mübarizəni davam etdirəcək.
