"COP29 Uniforma və Akkreditasiya Mərkəzi 10 mindən çox əməkdaş və podratçının akkreditasiyasının həyata keçirilməsi üçün nəzərdə tutulub".
Bunu jurnalistlərə COP29-un İşçi Qüvvəsi Departamentinin direktoru Atif Qəmbərov deyib.
O vurğulayıb ki, tədbirlər müddətində istifadə olunacaq uniformalar davamlılıq və dayanıqlılıq prinsiplərinə əsasən istehsal olunub:
"Bizim istehsal etdiyimiz bütün uniformalar yerli fermerlərin yetişdirdiyi pambıqdan emal olunan parçalardan hazırlanıb. Bu gündən etibarən bizim müvafiq platformamız ictimaiyyətə açıqdır. Orada istənilən şəxs istər COP29, istərsə də dayanıqlılıq prinsipləri və iqlim dəyişmələri barədə məlumat ala bilərlər. Burada videoformatda təqdim olunan təlimlər hazırlanıb. Həm ictimaiyyət, həm də tələbələr sözügedən videomateriallar vasitəsilə bu tədbirin mahiyyəti barədə məlumat ala bilərlər".
